Argentina futbolunun canlı əfsanəsi Dieqo Armando Maradona bu yaxınlarda xəstəxanaya yerləşdirilən Pele ilə bağlı paylaşım edib. Matc.az saytı xəbər verir ki, Maradona əfsanəvi braziliyalının şəklini instaqram hesabı vasitəsilə paylaşaraq, ona sağlamlıq arzulayıb.

Maradona illərdi müqayisə edildiyi Peleyə "kral" deyə müraciət edib: "Bu şəkil 40 yaşındadı. Rio-de-Janeyroda çəkilib və biz orda görüşmüşük. Necə də gənc olmuşuq. Sənə sağlamlıq, və daha çox güc diləyirəm, "kral".

Qeyd edək ki, Pele aprelin 2-də səhhəti pisləşdiyi üçün Parisdə xəstəxanaya yerləşdirilmiş, müayinədən sonra dünən evə buraxılmışdı.