Ermənistanda kürd problemi və Paşinyanın saxta “Novruz” təbriki

 

Politoloq Fuad Axundov hesab edir ki, Ermənistanın kürd icmasını Novruz Bayramı münasibətilə təbrik etməklə, Paşinyan ölkəsinin çoxmillətli olduğunu göstərməyə çalışır.

Paşinyan düşünmür ki, rəsmi statistikaya görə Ermənistanda yezidi kürdlərin sayı 1000 nəfərə çatmır. BMT Komitəsinin 92-ci iclasında bu rəqəmi xarici işlər nazirinin müavini Aşot Hovakimyan səsləndirib. Kürd təşkilatların məlumatına görə, onların sayı ermənistanda daha da azdır. Beynəlxalq təşkilatların hesabatlarında qeyd edilir ki, Ermənistanda kürdlər öz müqəddəratını təyin edə bilmir”.

F.Axundovun dediyinə görə, Paşinyan öz ölkəsini tolerant və çoxmillətli göstərməyə çalışır. Halbuki, 10 il öncə Ermənistanda yezidi kürdlərin sayı daha çox idi.

"Böyük kürd icması” mifini yaratmaq üçün, Ermənistan parlamentində 2017-ci ildə Knyaz Həsənov adında milli azlıq nümayəndəsi seçilmişdir. Maraqlısı odur ki, hələ 2017-ci ildə o, hakimiyyət partiyasının nümayəndəsi idi, yəni, Serj Sarkisyanın tərəfdarı olub. Keçən ilin dekabr ayında artıq Paşinyan tərəfdarı olaraq seçilib”.

Ermənistan hakimiyyəti hər zaman ölkənin monoetnikləşdirilməsi və digər xalqların assimilyaya uğraması üçün əlindən gələnini etmişdir. 250 mindən artıq Azərbaycanlının qovulması, sonra yahudilərin, rusların və yezidlərin ölkədən köçməsi, yəqin ki Paşinyanın yadından çıxıb.

F.Axundov qeyd edib ki, ən gülünc statistik məlumat Ermənistandakı azərbaycanlılara aiddir. Belə ki, Aşot Hovakimyanın hesabatına görə, Eçmiədzində bir azərbaycanlı qadın yaşayır, və məktəbdə tarix müəllimidir. Belə çıxır ki, baş nazir 900 yezidi kürdün çoxdan qeyd etmədikləri Novruz bayramı münasibətilə təbrik edir, amma yeganə azərbaycanlı qadını təbrik etməyə cürət etmir? "interfax.az”