Kəşfiyyatçı əsgər, iradə gücü ilə bir çoxlarına nümunə ola biləcək paralimpiyaçı çempion İlham Zəkiyev uzun illərdən sonra yenidən cəbdə bölgəsində olub. Burada əsgərlərlə bir araya gələn çempionun görüşləri cəbhənin başqa istiqamətlərində də davam edir.

''Bakı- 2015'' Avropa Oyunlarının qalibi, paracüdoçu İlham Zəkiyev uzun illər sonra vaxtilə xidmət etdiyi hərbi hissəyə gedib.

İlham Zəkiyev uzun illər sonra vaxtilə xidmət etdiyi hərbi hissəyə gedib.

Paracüdoçu hərbi geyimdə əsl qəhrəman kimi qarşılanıb. Bir çox uğurlara imza atan çempion İlham Zəkiyevin hərbçilərlə görüşü Şəmkirdəki hərbi hissədə başlayıb. Müdafiə Nazirliyinin İdarə rəisinin müavini Abdulla Qurbani İlham Zəkiyevin həyat yolu haqqında əsgər və zabitlərə məlumat verib. Bildirib ki, İlham Zəkiyev uzun illər idmanla məşğul olub, 18 yaşında hərbi xidmətə yollanan və kəşfiyyatçı kimi qulluq edən Zəkiyev döyüş tapşırığını yerinə yetirərkən ağır yaralanıb və görmə qabiliyyətini itirib. Ancaq o, qələbə əzmini, həyatsevərliyini və iradəsinin gücünü qoruyub saxlaya bilib.

Şəmkirdəki hərbi hissədən sonra İlham Zəkiyev görüşlərini Murovdağ silsiləsi boyunca xidmət edən əsgərlərlə davam etdirib. Hər bir hərbi post və məntəqədə dayanıb, əsgərlərlə görüşüb.  //xezerxeber

Sfera.az