Sumqayıtda qəzaya düşənlərin vəziyyəti açıqlandı
10:58 / 22.02.2019
3559
Fevralın 21-də Sumqayıtda baş verən avtobus qəzasında xəsarət alanların son vəziyyəti açıqlanıb.
Sfera.az bildirir ki, Səhiyyə Nazirliyindən verilən məlumata görə, qəzadan sonra ümumilikdə 31 müraciət daxil olub.
"Onlardan yüngül xəsarətli və hadisə şoku ilə gələnlər də olub. İlkin yardımdan sonra 12 nəfər evə buraxılıb. Hazırda 19 nəfər Sumqayıt xəstəxanasında müalicəsini davam etdirir. Onlardan altısı reanimasiya, doqquzu travmatalogiya, dördü isə nevrocərrahiyə şöbəsinə yerləşdirilib. Vəziyyətləri orta ağır və yüngül dərəcəlidir”, - məlumatda qeyd edilib.
