Sumqayıtda uşaqlar üçün qeyri-adi tədris xarakterli şənlik keçirilib.

Sfera.az bildirir ki, adı "White Party” olan şənlik Bakı və Sumqayıtda fəaliyyət göstərən NAKO EDU CLUB-un sevilən müəlliməsi Rəna Quliyeva tərəfindən təşkil edilib.

Rəna Quliyeva tədris mərkəzinin məktəbəqədər hazırlıq müəlliməsidir. Öz fərqli dəsti-xətti və sevgisi ilə məktəbəqədər proqramı zəngin metodik vəsaitlərlə tədris edən müəllimə bu dəfəki "White Party” ilə həm uşaqları əyləncəli şəkildə öyrədib, həm də sevindirərək yaddaqalan edib. Müəllimə geyimdən tutmuş tədbir üçün nəzərdə tutulan hər bir şeyin ağ olduğu məkanda uşaqlara qışın son ayında qar sevincini də maraqlı tərzdə yaşadıb.

Çox qısa zamanda ərsəyə gələn "White Party” bəyaz libaslı mələklərin rəqsləri, səhnəcikləri və şeir payları ilə uşaqların yaddaşında silinməz gün olaraq qalıb. Lakin bu, Rəna müəllimənin ilk yeniliyi deyil, bundan əvvəl "Texnikanın faydaları və zərərləri”, "Məhrəmiyyət”, "Gigiyena qaydaları”, "Əxlaq və davranış qaydaları”, "Kosmosa səyahət” adı altında bir çox tədbirlər təşkil edib.

Sumqayıtda müəllimə uşaqlara "qar sevinci" yaşatdı - FOTO - VİDEO