“Nike”dan qəribə tələb: Soyadından imtina et!
İdman
08:38 / 08.02.2019
2807
Yayda "Barselona” ilə müqavilə imzalayacaq Frenki de Yonq maraqlı tələblə üz-üzə qalıb. Futbolçu özü bununla bağlı açıqlama verib.
Belə ki, katalonların texniki sponsoru "Nike” futbolkanın arxasında de Yonq deyil, Frenki yazılmasını istəyir. Şirkət bunu marketinq siyasəti ilə əlaqələndirir.
Yarımmüdafiəçi özü isə olanları belə izah edib: "İyulda "Barselona” ilə müqavilə imzalayacam. 21 nömrəli formanı istəyirəm. "Nike” isə məndən soyadımı deyil, adımı istifadə etməyimi istəyir. Bilmirəm, bunu qəbul edəcəmmi, ya yox”.
Qeyd edək ki, hazırda "Barselona”da 21 nömrəli forma ilə Karles Alenya çıxış edir.
