Tonu 1 milyon dollardır: Türkiyə milyardlar qazana bilər -Foto
Türkiyənin Enerji və Təbii Sərvətlər naziri Fatih Dönmez CNN TÜRK-də kanalında canlı yayımda Hakan Çelikin qonağı olub. Sfera.az xəbər verir ki, türkiyəli nazir qiymətli mineral olan bordan danışıb. Dünya bazarında borun tonunun 1 milyon dollardan baha satıldığını deyən nazir yaxın zamanda yeni yataqların istismara veriləcəyini bildirib.
Xatırladaq ki, qiymətli mineral olan bor ehtiyatlarının təxminən 70 faizi Türkiyə ərazisindədir.
Bor daha çox nüvə elektrik stansiyalarında təhlükəsizlik təmin etmək üçün istifadə olunur.
Dünya bor bazarında gəlirlərin 60 faizi ABŞ-ın payına düşür, Türkiyənin bu sırada təxminən 20-22 faiz paya malikdir. Türkiyədə bor mədənlərinin işlənməsi hələ Osmanlı dövründə 1861-ci ildə xarici sərmayədarlar tərəfindən başlanıb və bu vəziyyət Türkiyədə 1970-ci illərə qədər davam edib. 1978-ci ildə bor mədənləri milliləşdirilərək "ETİ Holdinq” tərəfindən işlətməyə verilib.
Türkiyə yeni yataqları istifadəyə versə bütün dünyada bu sahənin idarəçiliyini əlində cəmləşdirəcək. Bir sözlə Türkiyənin gələcəyi bordadır.
