Səudiyyədə 40 mindən çox qadın sürücülük vəsiqəsi aldı
08:08 / 11.01.2019
1677
Səudiyyə Ərəbistanında 40 mindən artıq qadın sürücülük vəsiqəsi alıb.
Krallığın daxili işlər naziri Məhəmməd əl-Bassami bildirib ki, Səudiyyə Ərəbistanı hakimiyyəti ölkənin müxtəlif rayonlarında qadınlar üçün 14 yeni təlim mərkəzi açmağı planlaşdırır.
Bildirilir ki, hazırda fəaliyyət göstərən mərkəzlərdə sürücülük kurslarına yazılmaq istəyənlərin çox olması növbələrin yaranmasına səbəb olub.
Qeyd edək ki, Səudiyyə Ərəbistanında qadınların avtomobil sürməsi qadağası ötən il iyunun 24-də aradan qaldırılıb.
