Vassallıqla düşmənçilik arasında: Ermənistan Rusiya üçün ya vassal ola bilər, ya düşmən...
22:58 / 31.12.2018
3032
"Məxməri inqlaba” ideoloji yaxınlığı və dəstəyi ilə seçilən erməni lragir.am resursu redaksiya yazısında Paşinyanın Putinlə son görüşünün nəticələrini Ermənistan- Rusiya münasibətlərinin "yeni mərhələsi” kontekstində təhlil edir.
"Vassallıqla düşmənçilik arasında: hazırki düzüm nə qədər sürə bilər”:
"Putinlə Moskvada görüşündən sonra Nikol Paşinyan bildirdi ki, qaz məsələsində razılığa gəlinməyib. O, qeyd edib ki, gündəmdə məsələlər çox olduğundan, onların hamısını müzakirə edə bilməyiblər. Paşinyanın bəyanatlarına diqqət yetirsək, məsələlərin heç biri haqqında razılıq əldə olunmayıb. Hətta belə çıxır ki, qaz, KTMT sədri və digər məsələlər daha dərin və qlobal problemlərin yalnız detallarıdır və səbəb deyil, nəticələrdir.
Paşinyan Rusiya ilə strateji müttəfiqliyin məzmununu yeniləşdirmək istəyir, Rusiya ilə münasibətlərimiz xüsusi strateji xarakter daşıdığından, ümid edirik, münasibətlərin strateji xarakteri bizim iqtisadi, siyasi, hərbi-texniki münasibətlərdə əksini tapacaq və biz, əlbəttə, konkret nəticələri nəzərdə tuturuq”.
Putinin, "münasibətlər əvvəlki nəsillərin qurduğu üzərindən davam etməlidir və Rusiya onların qorunması üçün həy edəcək”, sözlərini Ermənistanda çoxları, Rusiyanın yeni münasibətlər qurmaq istəməməsi və müttəfiqlik hisslərindən daha çox təhdid kimi qəbul etdilər.
Politoloq Ara Papyan hesab edir ki, Ermənistan Rusiya üçün ya vassal ola bilər, ya düşmən. Ermənistanın suverenliyindən irəli gələn hər bir addımı Rusiya düşmənçiliklə qəbul edib.
"Kopırkin (RF-nın Ermənistanda səfiri-red), Rusiyanın Ermənistana münasibətdə yeni, "yumşaq güc” siyasətini təntənəli sürətdə elan etdi. Bununla, Ermənistanın statusunu vassaldan düşmənə keçid kimi qiymətləndirmək lazımdı. Bu kövrək vəziyət nə qədər sürə bilər- məsələ yalnız bundadır”, politoloq Pavel Dallakyan hesab edir.
Sonda məqalə, " Rusiya, ənənəvi "vassal-düşmən” yanaşmasından imtina edəcəkmi?”, sualını verir və "1921-ci ildə Ermənistan ərazisinin Rusiya tərəfindən Türkiyəyə hədiyyə edilməsini, Ermənistanda rus-türk birgə vəhşilikləri, Qarabağ ermənilərinə qarşı 80-90-cı illərdə rus ordusunun iki cəza əməliyatlarını” xatırlatmaqla, suala cavab verir.
P.S. Görüşdən iki gün sonra Qazprom Ermənistan üçün qazın qiymətini 15 dollar artırdı.Moderator.az
