Sfera.az-a açıqlamasında bu sözləri son zamanlar ardıcıl olaraq sözügedən sosial şəbəkədə xaricdə qaçıb həmin şəbəkədən istifadə etməklə Azərbaycan dövləti, onun tanınmış şəxsləri barəsində olmazın təhqirəmiz fikirlər səsləndirən, söyüş kampaniyası aparanlara qarşı hüquqi baxımdan hansı müstəvidə mübarizə aparmağın vacib olduğuna münasibət bildirərkən Mili Məclisin deputatı Araz Əlizadə deyib:

 

"YouTube kimi sosial şəbəkələr kəşfiyyat orqanlarına işləyir. Bu dairələr isə Azərbaycanın müstəqil siyasət yürütmələrindən xoşları gəlmir. Onların məqsədi ölkəmizi zəiflətmək, özlərindən asılı hala salmaqdır. Sosial şəbəkələrdən şəxsən istifadə etmirəm. Sizə də məsləhət görmürəm. Bu kimi sosial şəbəkələrin hamısının bağlanmasının tərəfdarıyam”.

 

Sabiq millət vəkili Nazim Fərəcov da sayta açıqlamasında belə bir sosial şəbəkənin bloklanmasını daha vacib bildi:

 

"Sosial şəbəkələrdən istifadə etməklə söyüş söyənlər tərbiyyə görməyən adamlardır. Belə təhqirə yol verənlərə qarşı qanuni müstəvidə kəskin addımlar atılmalıdır. Belələrinə imkan vermək lazım deyil ki, Azərbaycan xalqı onların səslərini, söyüşlərini eşitsin. Bu mənada "YouTube" kimi sosial şəbəkələr bloklansa daha yaxşı olar”.

 

Milli Məclis deputatı Aqil Abbas da sözügedən məsələdə digər həmkarları ilə eyni mövqedən çıxış etdi:

 

"Adətən sosial şəbəkədə hər hansı bir təhqiredici sözə görə onu yazan dərhal şəbəkəyə nəzarət edən tərəfindən bloklanır. Azərbaycanda da belə sosial şəbəkələri bloklamaq olar. Tənqid mümkündür və Azərbaycanda bunu edirlər də. Ancaq təhqir və söyüşə yol verilməməlidir. Bu mənada sosial şəbəkələrdə dövlətimiz və siyasi xadimlər barədə təhqiramiz fikirlər səsləndirənlər də bloklanmalı, onlara xəbərdarlıq edilməlidir. Ancaq bunu etmir və etməyəcəklər də, Düşünmürəm ki, həmin "YouTube" sosial şəbəkəsinə nəzarət edənlər bunu etsinlər. Çünki həmin adamları danışdıran, onlara pul verənlər də məhz bu qüvvələrdir. Ancaq Azərbaycanın imkanı var ki, həmin halların qarşısını alsın”.

 

Qeyd edək ki, son zamanlar xaricdə məskunlaşan bir sıra sapı özümüzdən oaln baltalar yenidən söyüş kampaniyasına start veriblər. Bu zaman onlar heç bir etik qaydalara məhəl qoymadan dövlətimizi, tanınmış şəxsləri təhqir edirlər. Bu prosesdə onlar əksər hallarda YouTube kimi sosial şəbəkənin imkanlarından "yaralanırlar. Belə vəziyyətlərdə adətən təhqirə yol verənlər sosial şəbəkəyə nəzarət edənlər tərəfindən xəbərdarlığa məruz qalır, yaxud da bloklanırlar. Lakin nədənsə YouTube sosial şəbəkəsi dövlətimizi təhqir edənlərə münasibətdə bu kimi addımlara əl atmırlar.