Dünyada bir ilk: donvurmadan tam müalicə üçün cihaz ixtira olunub
Maraqlı
17:33 / 26.12.2018
3224
Rusiyanın Tomsk dövlət Universitetinin alimləri donvurmanın müalicəsi üçün dünyada analoqu olmayan cihaz ixtira ediblər. Bu barədə RF Elm və Təhsil Nazirliyi bəyan edib.
Qeyd edək ki, Rusiyanın şimalında donvurma bütün travmatik halların 10-15 faizini təşkil edir. Bunun müalicəsi 2 ay və daha artıq çəkə bilər. Müalicə isə yanıq xəsarətindən 2 dəfə baha başa gəlir. Donvurma 90 faiz hallarda əlilliklə nəticələnir.
Donvurmada adətən ətraflar intensiv qızdırılır. Nəticədə dərinin temperaturu yüksəlir, ona ən yaxın damarlar isə donmuş vəziyyətdə qalır, nəticədə onlar qırılır. Rusiyalı alimlər donvurmanı yüngül mikrodalğalarla müalicəni təklif edirlər. Bu isə donmuş ətrafı nəinki xaricdən, həm də daxildən isitməyə imkan verəcək.
Bundan əvvəl cihaz heyvanlar üzərində yoxlanılıb – artıq 4-cü gün təcrübə dovşanlarının donmuş ətraflarının funksiyası bərpa olunub.
Bildirilir ki, donmuş ətraf tədricən isidilir: «Seans azı yarım saat çəkir. 1-2 seans kifayət etməlidir», - deyə layihə rəhbəri bəyan edib. faktxeber
