ANS PRESS-in məlumatına görə, Poklonskaya vurğulayıb ki, cinayətkar Çernışenski Rusiya Federasiyasının Prokurorluğunun etibarını Krımda darmadağın edib.

Krımın prokuroru Natalya Poklonskaya qeyd edib ki, Simferopol rayonunun prokuroru haqqında gedən araşdırmaya şəxsən özü nəzarət edəcək. 

Simferopolun prokroru Çernışenski iri məbləğldə (400 min rubl) rüşvət alarkən yaxalanıb. Krım prokurorluğu bildirib ki, “aparılan istintaq tədbirləri zamanı Simferopol rayonunun prokuroru saxlanılıb.”

Rusiya Təhlükəsizlik Şurasının katibi Nikolay Patruşev isə bildirib ki, Krımın 60-dan çox məmuru rüşvət aldığına görə vəzifəsindən azad edilib.

"Dövlət və bələdiyyə əmlakı ilə bağlı geniş yayılmış kriminal sxemdir. Korrupsiya hallarının müşahidə olunması ilə bağlı Krımın 60-dan çox vəzifəli şəxsi, o cümlədən yuxarı səviyyəli orqanlarının təmsilçiləri işdən azad olunub",- deyə Patrusev bu barədə milli təhlükəsizliyə təhdidlərlə mübarizə məsələlərinə həsr olunmuş səyyar iclasda bildirib.