Türkiyənin Trabzon şəhərində polis otellərdə və restoranlarda fahişələrə qarşı tez-tez gözlənilməz reydlər keçirir. Lakin dünənki reyd polislərin özlərini belə təəcübləndirib.

Sfera.az vesti.az-a istinadən xəbər verir ki, hüquq-mühafizə orqanlarının əməkdaşları Çömləkçi məhələsindəki otelə baş çəkiblər.

Məlumatın etibarlı mənbələrdən alınmasına baxmayaraq, polislərin otaqlarda və restoranda apardığı axtarışları heç bir nəticə verməyib.

Son anda hüquq-mühafizə orqanlarının əməkdaşlarından biri qadın ayaqyolusuna girib və divarın arxasından səs gəldiyini eşidib.

Məlum olub ki, qadın ayaqyolusundan gizli otağa qapı var və "ən qədim peşə"nin nümayəndələri elə burada gizləniblər.

Polislər əxlaqsızlıqla məşğul olan 4 Azərbaycan, 5 Gürcüstan və 4 Qırğızıstan vətəndaşını həbs ediblər.

Onların hamısı polis bölməsinə gətirilib. Burada onlar tibbi müayinədən keçəndən sonra deportasiya ediləcəklər. 

Sfera.az