Qvardiola Sterlinq haqda: Rəngi qaradır deyə...
İdman
16:51 / 12.12.2018
2015
"Mançester Siti”nin baş məşqçisi Xosep Qvardiola Premyer Liqanın son turunda keçirilən "Çelsi” ilə matçda azarkeşlərin Rahim Sterlinqə qarşı irqçi davranışlarına münasibət bildirib.
İngiltərə mətbuatına danışan Qvardiola, dünyanın hər yerində irqçilik olduğunu deyib:
"İqrçilik dünyanın hər yerində var. Tək futbolda deyil, başqa sahələrdə də belə irqçi davranışları görmək mümkündür. Dərin bir utanc hissi yaşayıram. "Çelsi” məsələ haqda polisə çox kömək etdi, onlara təşəkkür edirəm.
Dünyada əsl güc siyasətçilərdə deyil, mediadadır. Sosial mediada hər kəs istədiyini deyir. Sterlinq də sosial mediadan çox istifadə edən futbolçudur. Ona belə məsələlərə fikir verməməsini demişəm. O, çox yaxşı futbolçudur. Sırf rəngi qaradır deyə, bu irqçi davranışlardan təsirlənməyəcək”.
"Şəhərlilər"in "Çelsi”yə 0:2 hesabıyla məğlub olduğu matçda, "zadəganlar”ın azarkeşləri Sterlinqə qarşı irqçilik edib. "Çelsi” klubu bu azarkeşlər haqda polisə məlumat verərək, onların cəzalanmasına kömək edib.
