15 yaşında zorla ərə verildi, hamilə qalsın deyə əri hər gecə... - Tükləriniz biz-biz olacaq
01:09 / 07.12.2018
9673
İngiltərədə qızların zorla evləndirilməsi qanunla qadağan edilib. Lakin son 4 il ərzində qızını və ya yaxın qohumunu zorla evləndirdiyinə göeə 4 nəfər həbs edilib. Amma xarici və daxili işlər nazirlikləri mindən çox qurbana dəstək verib. Hökumət bu sayın azalması üçün qurbanlara haqq səslərini ucaltmağı tövsiyə edir.
Erkən nikahın qurbanı olan bir qadının hekayəsini təqdim edirik:
Uelsin cənubunda doğulan 35 yaşlı Rubio Marieni 15 yaşında ailəsi məcbur evləndirib.
"Ailəm məni tətil adı ilə Banqladeşə apardı. Əvvəl 6 həftə qalacağımızı demişdilər, amma bu altı aya qədər uzandı. Atamdan nə vaxt evə qayıdacağımızı soruşdum. Bilet pulumuzun olmadığını dedi. Mən dostlarım, evim, məktəbim üçün darıxmışdım. Bilet pulunun olmamasının bəhanə olduğunu bilirdim. Sonradan başa düşdüm ki, əsas niyyəti məni evləndirmək imiş. Bir gün ailə yeməyində atam "Rubieni evləndirsək, pis olmaz” dedi. Çox pis oldum. Boşqabımı alıb yerə çırpdım, qapıları yumruqladım. Qışqıraraq otağıma getdim. Bu cümləni necə həzm edəcəyimi bilmirdim. Məni satışa çıxartdılar. Əmim təklifləri yığdı, çox qorxunc idi. Mənə kölə kimi baxırdılar. Tanımadığım ölkədə idim, heç bir yeri tanımırdım”.
Marie 30 yaşlı bir adamla evləndirilib:
"Nişanda hamı gəlini görmək üçün sıraya düzülmüşdü. Mən ortada durmuşdum, onlar üçün əşya olduğumu düşünürdüm. Evə qayıtmaq istəyirdim və buna görə həmin gün nə lazımdırsa etməyə qərar verdim”.
Marie evləndikdən sonra ərinin əsl niyyətini anladığını deyir:
"O, İngiltərəyə getmək istəyirdi. Buna görə də tez bir zamanda uşağımız olmalı idi. Hamilə qalmağım üçün hər gün, hər gecə mənə təcavüz edirdi. Nəhayət, hamilə qaldım. Uşaq dünyaya gələn kimi qaçdım. Evdən qaçmağımı ailəm namuslarına ləkə kimi qəbul etdi. Məni övladlıqdan rədd etdilər”.
Bu gün Marie gəncləri erkən nikaha qarşı maarifləndirir.
