Şəmkirdə iki qardaş bıçaqlandı, onlardan biri öldü
![Şəmkirdə iki qardaş bıçaqlandı, onlardan biri öldü](https://sfera.az/photo/orginal/2018/11/29/281700.jpg)
21:19 / 29.11.2018
8282
Şəmkir rayonunda iki qardaş bıçaqlanıb, onlardan biri ölüb.
"Report"un verdiyi məlumata görə, hadisə rayonun Qapanlı kəndində qeydə alınıb.
Belə ki, 1990-cı il təvəllüdlü Nurəddin Bayram oğlu Əsədoğlu mübahisə zəminində Qapanlı kənd sakinləri - 1986-cı il təvəllüdlü Eşqin Əli oğlu Əmiraslanovu və onun qardaşı, 1989-cu il təvəllüdlü İbrahim Əli oğlu Əmiraslanovu bıçaqlayıb. Nəticədə E.Əmiraslanov ölüb, onun qardaşı isə ağır xəsarətlərlə xəstəxanaya yerləşdirilib. N.Əsədoğlu hadisə yerindən qaçıb.
Hazırda hüquq-mühafizə orqanlarının əməkdaşları tərəfindən hadisəni törədən şəxsin saxlanılması istiqamətində əməliyyat-axtarış tədbirləri davam etdirilir.
Faktla bağlı Şəmkir Rayon Prokurorluğunda araşdırmalara başlanılıb.