“Yolun sonuna yaxınlaşıram...” - İradə İbrahimova

İkinci dəfə ana olmağa hazırlaşan azərbaycanlı müğənni İradə İbrahimova hamiləliyi ilə bağlı izləyicilərindən məsləhət istəyib. 

Sfera.az “qafqazinfo”nun məlumatına istinadənxəbər veri ki, ifaçı onlara instagram hesabından müraciət edib:

“Gördüyünüz kimi oturduğum yerdə yatıram. Çox şükür bir şey qalmadı, yolun sonuna yaxınlaşıram. Övlad üçün hər şey fəda olsun. Xanımlardan məsləhət almaq istəyirəm. Aranızda suni sancı ilə övladını dünyaya gətirən var? Oğlumun kilosu, boy ölçüsü 2 həftə öndə getdiyi üçün həkim uşağı tez, 38-39 həftə arasında suni sancı ilə dünyaya gətirməyimi məsləhət görür. Əlbəttə ki, əgər o vaxta qədər təbii yolla özü gəlməsə. İpək 4 kiloqram 200 qram doğulmuşdu. Gözüm qorxub. Bu da oğlandır, 5 kiloqram olar deyə, qorxuram. Bəziləri suni sancı zərərlidir deyir. Həkim isə heç bir zərəri olmadığını söyləyir. Arada qalmışam. Bir də yeni doğulan uşağa sünnət etdirmək doğrudur? İstəyirəm ki, doğulandan 2 gün sonra sünnət olsun".

Xatırladaq ki, İradə İbrahimova 2009-ci ildə Türkiyəli iş adamı Ceyhun İzerlə ailə həyatı qurub. 2010-cu ildə cütlüyün İpək adında qızı dünyaya gəlib.