Boğulmuş 3 yaşlı uşağın atası ürəkləri parçaladı
Türkiyədəki çimərlikdə cəsədi tapılmış üç yaşlı suriyalı oğlanın atası BBC-ə övladının necə dəhşətli vəziyyətdə ölməsindən danışıb.
Aylan Kurdinin atası Abdullah deyib ki, mindikləri qayıq yola düşməyə başlayandan bir neçə dəqiqə sonra hündür dalğalar onu aşırıb, gəminin kapitanı isə qaçıb.
"Uşaqlarımı və yoldaşımı tutmağa çalışdım, amma olmadı. Onlar bir-birinin ardınca öldülər", cənab Kurdi deyir.
Onun ailəsi Suriyada vətəndaş müharibəsindən qaçmağa çalışan ailələrdən biri idi.
"Mən qayığı idarə etməyə çalışdım, amma başqa bir böyük dalğa qayığın üstünə gəldi. Bundan sonra bütün bunlar baş verdi", cənab Kurdi deyib.
Həmçinin oxuyun: Suriyalılar niyə Ərəb ölkələrinə yox, Avropaya qaçır?
Dənizdə boğulan uşağın dəhşətli şəkli
Türkiyə polisi ölümlərlə bağlı dörd nəfəri saxlayıb. Onlar qanunsuz insan qaçaqmalçılığında ittiham olunur. Aşmış qayıqlarda 12 suriyalı ölüb.
Tutulan dörd kişi Suriya vətəndaşıdır və yaşları 30-41 arasındadır, Türkiyənin Doğan xəbərlər agentliyi deyib.
Bu il Avropaya çatmağa çalışan minlərlə miqrant ölüb.
Sfera.az
