Azərbaycanda “Jek”lər ləğv olunur

Azərbaycanda “Jek”lər ləğv olunur

Azərbaycanda mənzil-istismar sahələri bir müddət sonra ləğv olunacaq. 

Sfera.az xəbər verir ki, bunu Trend-ə açıqlamasında Milli Məclisin Regional məsələlər Daimi Komitəsinin sədri Arif Rəhimzadə deyib.

Komitə sədrinin sözlərinə görə, avqustun 31-də Prezident İlham Əliyev tərəfindən yaşayış yeri üzrə arayışların verilməsi və digər məsələlərlə bağlı imzalanan fərmanla bələdiyyələrin və mənzil-istismar sahələrinin üzərindən böyük bir yük götürüldü: 

“Bələdiyyələr mənzil-istismar sahələrinin sənədləşmə sahəsindəki funksiyalarını üzərlərinə götürsəydilər, bu, bələdiyyələr üçün böyük yük olardı. Cənab Prezident bu məsələni asanlaşdırdı. 

Yenilik gələcəkdə bələdiyyələrin səlahiyyətlərinin genişləndirilməsinə bir siqnaldır. Yaxın gələcəkdə bələdiyyələr mənzil-istismar sahələrinin digər səlahiyyətlərini də üzərlərinə götürə bilsələr, o halda mənzil-istismar sahələri kənarda qalacaqlar. Qanunvericiliklə bələdiyyələrə belə hüquqlar verilib”.

A.Rəhimzadə qeyd edib ki, çoxlarının “jek” adlandırdığı mənzil-istismar sahələri gec-tez ləğv olunacaq: 

“Azərbaycan Respublikasının Mənzil Məcəlləsində mənzil-istismar sahələrinin ümumiyyətlə adı yoxdur. Amma onların icra edəcəyi funksiyaları qalır. Dövlət başçısı bu funksiyaların böyük bir hissəsini “ASAN xidmət”ə verdi. Əgər bələdiyyələr digər funksiyaları da ö üzərinə götürsələr, mənzil-istismar sahələri tədricən sıradan çıxmış olacaq. Sadəcə, bunun üçün bələdiyyələrin daha fəal olmaları lazımdır. Mənzil-istismar sahələrinin nə vaxt tam sıradan çıxacağını dəqiq demək mümkün deyil. 

Proses yerindən asılı olaraq, müxtəlif formalarda baş verə bilər. Bu, həmin yerlərdə bələdiyyələrin nə dərəcədə fəal olacağı və prosesin hansı sürətlə getməsindən asılı olacaq. Hesab edirəm ki, gələcəkdə bələdiyyələr Azərbaycanın inkişafında mühüm rol oynayacaq”.


OXŞAR XƏBƏRLƏR

Bu il 100-dən çox şəxs ad və soyadını dəyişdirib

Azərbaycanda ad və soyadı, soyadın sonluğunu dəyişmək mümkündür. 18 yaşına çatdıqdan sonra hər bir Azərbaycan Respublikası vətəndaşı öz adını, ata adını və soya...

Pediatr 9 günlük körpəni pulla alıb

Türkiyənin Kuşadası rayonunda pediatr işləyən həkim, doğuş edən qadının 9 günlük körpəsini pul qarşılığında alaraq evinə aparıb.   Sfera.az xəbər ver...

Müdafiə naziri türkiyəli şəhid ailələri ilə görüşdü

Azərbaycan Respublikasının müdafiə naziri general-polkovnik Zakir Həsənov və müdafiə nazirinin birinci müavini – Azərbaycan Ordusunun Baş Qərargah rəisi g...

Kişilər bu səbəbdən xəyanət edir – ARAŞDIRMA

Son illərdə aparılan psixoloji və sosioloji araşdırmalar nəticəsində kişilərin xəyanət etmə səbəbləri üzə çıxarılıb. Araşdırmalara görə, kişilərin xəyanət etməs...

"Azərbaycan və Türkiyə ilə əməkdaşlıq böyük xoşbəxtlikdir" - Suriyalı nazir

Dost və qardaş ölkələr olan Azərbaycan və Türkiyə ilə əməkdaşlıq edilməsi bizim üçün böyük xoşbəxtlikdir. Sfera.az xəbər verir ki, bunu Suriyanın ener...

"Qalatasaray" "Latsio" ilə üz-üzə

Türkiyənin futbol nəhənglərindən olan "Qalatasaray" bu gün yoxlama görüşündə İtaliyanın "Latsio" klubu ilə üz-üzə gələcək.   Sfer...