Putindən dollar və avroya qarşı sensasion addım - Yeni pul vahidinin adı türkcədir..
16:49 / 12.09.2015
1569
Rusiya prezidenti Vladimir Putin keçmiş Sovet İttifaqı ölkələri arasında istifadə ediləcək yeni pul vahidi yaradılmasını təklif edib. Bu pulun adı türkcə "Altın" (Qızıl) olacaq.
Sfera.az avropa.info-a istinadən xəbər verir ki, Rusiya prezidenti Vladimir Putin Dumaya göndərdiyi bir qanun layihəsi ilə Avrasiya İqtisadi Birliyində ortaq pul vahidi yaradılmasını təklif edib.
Yeni pul vahidinin adının "Altın" seçilməsi isə müəyyən suallara səbəb olub. Belə ki, müasir Rusiyanın yerləşdiyi coğrafiyada 15-ci əsrdə monqol-tatarların Qızıl Orda Dövləti mövcud olub ki, adı çəkilən dövlət 400 il ərzində "Altın " adlı pul vahidindən istifadə edib. Lakin həmin dövlətin pul vahidi sözün həqiqi mənasında qızıl idi. Rusiyanın və onun Avrasiya İttifaqındakı müttəfiqlərinin sözün həqiqi mənasında pul vahidi kimi qızıldan istəfadə edə biləcəkləri ağlabatan görünmür.
Layihə Dumadan keçərsə avro və dollara rəqib olaraq Avrasiya məkanında yeganə pul vahidi olan bir "Altın" zonası yaratmaq planlaşdırılır.
Avrasiya İqtisadi Birliyi Rusiya, Ermənistan, Belarus, Qazaxıstan və Qırğızıstanı əhatə edir. "Altın"ın 2020-ci ilə qədər dövriyyəyə buraxılması planlaşdırılır.