Bu sözləri Sfera.az-a açıqlamasında təhsil eksperti Kamran Əsədov deyib. Orta ümumtəhsil məktəblərində çalışan müəllimlərin bilik və bacarıqlarının diaqnostik qiymətləndirilməsinin 2014-cü ildən etibarən keçrildiyini deyən ekspert bildirib ki, 2017-ci ilə qədər davam edən bu imtahanlarda 142 minə qədər müəllim iştirak edib və onların 45 fazi qənaətbəxş nəticə göstərməyib:

 

"2018-ci ilin mayın 26-da yenidən müəllimlərin bilik və bacarıqlarının növbəti diaqnostik qiymətləndirilməsinə start verilib. Bu imtahanda əvvəlki illərdə iştirak etməyənlər və ya az bal toplayanlar iştirak edir. İlk olaraq İbtidai sinif müəllimlərinin bilik və bacarıqlarının diaqnostik qiymətləndirilməsi 26-27 may, digər fənləri tədris edən müəllimlərin diaqnostik qiymətləndirilməsi isə 29 may – 2 iyun tarixlərində keçiriləcək. Bu imtahan 90 dəqiqə davam edir və iştirakçılara ümumilikdə 60 test tapşırığı təqdim olunur. İmtahanlarda 19 minə yaxın müəllimin iştirakı nəzərdə tutulub. Təəsüfləndirici məqamlardan biri müəllimlərin imtahana gələrkən şəxsiyyətlərini təsdiq edən sənədləri gətirməməsi olub. Müəllim olmalarına baxmayaraq, imtahana əlavə köməkçi vasitələr, "şpalkalka", konspektlər keçirməyə, ərtafdan kömək almaq üçün etdikləri cəhd olub. Ən təəsüfləndirici hal isə imtahanların nəticələridir. Müəllimlər arasında, əsas da ibtidai sinif müəllimləri arasında 4-5-6 bal toplayanlar var. Maksimum nəticəni - 60 balı toplayan yoxdur. Ən yüksək nəticəni hələ ki, İsmayıllı rayonundan bir müəllim əldə edib. O 58 bal toplayıb”.