İlham Əliyev Fransaya səfər edəcək
Siyasət
13:33 / 27.05.2018
3996
Fransa XİN başçısı: "İki ölkə arasında münasibətlər çox yaxşıdır"
"Azərbaycan və Fransa arasında mövcud siyasi dialoq intensivdir".
Sfera.az-ın xəbərinə görə, bunu Fransa Respublikası Avropa və xarici işlər naziri Jan-İv Lö Drian Azərbaycan - Fransız Universitetində (UFAZ) Azərbaycan Xalq Cümhuriyyətinin 100 illiyinə həsr olunmuş Fransa Respublikası Avropa və Xarici İşlər Nazirliyi fondunun arxiv sərgisinin rəsmi açılışında çıxışı zamanı bildirib.
Fransalı nazir deyib ki, iki ölkə arasında münasibətlər çox yaxşıdır: "Müstəqilliyin lap ilkin anlarından Fransa Azərbaycanın yanında olub. UFAZ-ın yaradılmasında göstərilən qətiyyətli təşəbbüsə görə çox şadam. Bu cür layihənin davam etdirilməsində Fransa bundan sonra da səylər göstərəcək. Bu, bizim əməkdaşlığın keyfiyyətinin rəmzidir. Bundan başqa, deyə bilərəm ki, kosmos sahəsində Azərbaycan və Fransa əməkdaşlığının gələcək perspektivləri var".
Jan-İv Lö Drian qeyd edib ki, bu il iyulun sonunda prezident İlham Əliyevin Parisə səfəri gözlənilir: " Bu gün prezident İlham Əliyevlə görüşdə də bunu müzakirə etdik".(APA)
