Vitse-prezidentlərlə bağlı qanuna dəyişiklik edilir
Siyasət
13:16 / 25.05.2018
2163
Azərbaycanın birinci vitse-prezidentinə və vitse-prezidentlərinə dövlət qulluqçusu statusu şamil edilməyəcək.
Sfera.az xəbər verir ki, bununla bağlı "Dövlət qulluğu haqqında” qanunun 2-ci maddəsinin (Dövlət qulluğu) 2.4-cü bəndinə dəyişiklik təklif edilir. Layihəyə görə, 2.4-cü maddədə adıçəkilən qanunda başqa hal nəzərdə tutulmayıbsa, bu qanun Azərbaycan prezidentinə, birinci vitse-prezidentinə və vitse-prezidentlərinə, Milli Məclisinin deputatlarına, baş nazirə və onun müavinlərinə, məhkəmə hakimlərinə, İnsan hüquqları üzrə müvəkkilə (Ombudsmana), mərkəzi icra hakimiyyəti orqanlarının rəhbərlərinə və onların müavinlərinə, Mərkəzi Seçki Komissiyasının sədrinə, sədr müavinlərinə, katibinə və üzvlərinə, Hesablama Palatasının sədrinə, sədr müavininə və auditorlarına, yerli icra hakimiyyəti orqanlarının rəhbərlərinə (başçılarına), Naxçıvan Muxtar Respublikası Ali Məclisinin deputatlarına, Muxtar Respublikanın Baş nazirinə və onun müavinlərinə, mərkəzi icra hakimiyyəti orqanlarının rəhbərlərinə, habelə hərbi qulluqçulara şamil olunmur.
