“Facebook”la bağlı qalmaqala səbəb olan şirkət özünü bankrot elan etdi
Maraqlı
13:46 / 19.05.2018
3473
87 milyon "Facebook” istifadəçisinə məxsus məlumatları qeyri-qanuni şəkildə və siyasi seçkilərin nəticəsində təsir etmək üçün istifadədə ittiham olunan "Cambridge Analytica” (CA) şirkəti ömrünü başa vurub.
Sfera.az xəbər verir ki, "Cambridge Analytica” may ayında özünü bankrot elan etmək üçün müraciət edəcəyini, mətbuatda çıxan xəbərlərin müştərilərini qaçırdığını açıqlamışdı.
Mübahisəli şirkət qapansa belə "Facebook” məlumatlarını necə istifadə etmələri ilə bağlı aparılan istintaq davam edəcək.
"Facebook” 87 milyon istifadəçisinə məxsus məlumatların bir yerdə toplandığını, daha sonra "Cambridge Analytica” şirkətinə verildiyini açıqlamışdı. Donald Trampın seçki kampaniyası üçün işləyən şirkət bu məlumat bazası ilə 2016-cı il prezident seçkisinə və Breksit referendumunun nəticələrinə təsir göstərməkdə ittiham olunur.
Qalmaqal "Cambridge Analytica” üçün çalışan Kristofer Vaylinin bu məlumatları açıqlaması ilə ortaya çıxmışdı. Qalmaqal nəticəsində "Cambridge Analytica”nın idarə heyətinin üzvü işdən qovulmuş, Mark Zukerberq isə ABŞ Senatında ifadə verməyə məcbur olmuşdu.
Rəsul
Sfera.az
