Corc Sorosun fondunu öz vətənindən qovdular
Dünya
14:56 / 15.05.2018
3260
Corc Soros Fondu Budapeşdəki ofisini bağlayaraq, onu Berlinə köçürəcək.
Sfera.az xəbər verir ki, fond rəhbərliyi bunu Macarıstandakı "daha repressiv siyasət və hüquqi mühitlə" əlaqələndirib. Fond Macarıstandan gedişini baş nazir Viktor Orbanın QHT-lərin fəaliyyətinin məhdudlaşdırılması ilə bağlı qanunun qəbulu haqda çağırışından sonra bildirmişdi. Qanunun özü belə "Sorosu dayandır” adını almışdı.
Aprel seçkilərində qəti qələbə qazanan Orban Soros və fondunu dəfələrlə miqrantları dəstəkləməkdə və milli mədəniyyətləri sarsıtmaqda ittiham etmişdi.
"Açıq cəmiyyət” Soros Fondu hüquq müdafiəsi, mədəniyyət, KİV azadlığı, səhiyyə və təhsil sahələrində Macarıstanda fəaliyyətini davam etdirəcəyini bildirib.
Qeyd edək ki, maliyyə fırıldaqları və "narıncı inqilablar”a dəstəyi tanınan milyarder Corc Soros Macarıstanda doğulub.
Sfera.az