CİA sədrindən Tramp və Netanyahunun ünvanına sərt tənqid: “Bu dəlilikdir"
Dünya
14:29 / 15.05.2018
3125
ABŞ Mərkəzi Kəşfiyyat İdarəsinin (CİA) sabiq sədri Con Brennan "Twitter” hesabında paylaşdığı mesajda Tramp və Netanyahunu kəskin tənqid edib.
Sfera.az xəbər verir ki, o, ABŞ səfirliyini Qüdsə köçürməklə Trampı intriqa yaratmaqda ittiham edib:
"Qəzzadakı ölümlər Tramp və Netanyahunun fələstinlilərin haqları və vətənlərinə açıq şəkildə hörmətsizlik etmələrinin nəticəsidir. Tramp səfirliyi Qüdsə köçürməklə intriqa yaratdı, ABŞ-ın barışdırıcı rolunu alt-üst etdi. Yeni nəsil israillilər və fələstinlilərin sülh yolunu tapmaq üçün radikalları uzaqlaşdırması lazımdır”.
Sabiq MKİ sədri Trampın İranın nüvə proqramı ilə bağlı yalan danışdığını, ABŞ-ın qlobal təhlükəsizliyinin altını qazdığını, ən yaxın müttəfiqlərini uzaqlaşdırdığını, İranda radikal siyasət tərəfdarlarını gücləndirdiyini deyib.
O, Trampın siyasəti haqda isə belə söyləyib: "Bu dəlilikdir, milli təhlükəsizliyimizə qarşı təhdiddir”.
Sfera.az