Suriya üzrə Astana sülh danışıqları ikinci günündə
Dünya
11:30 / 15.05.2018
3569
Astanada Suriya üzrə sülh danışıqlarının 9-cu raundu keçirilir.
Sfera.az xəbər verir ki, danışıqların ikinci günündə Suriya müxalifətinin Astanaya gəlib. 24 nəfərlik heyətə sabiq müvəqqəti hökumətin sədri Əhməd Tuna başçılıq edir.
Danışıqların gündəmində hərbi əsirlər və Türkiyənin İdlibdə yaratdığı müşahidə məntəqələri olacaq. Sedat Önalın başçılıq etdiyi türk nümayəndə heyəti Suriya müxalifətinin üzvləri ilə danışıqlara başlayıb. Bundan sonra təminatçı ölkələr – Rusiya, İran və Türkiyə arasında üçtərəfli iclas olacaq.
Astana prosesinin bütün üzvlərinin iştirak edəcəyi daha bir iclasın keçirilməsi gözlənilir.
Rusiya heyətini Astanada Putinin Suriya üzrə xüsusi nümayəndəsi Aleksandr Lavrentyev, İranı xarici işlər nazirini müavini Hüseyn Cabiri Ənsari təmsil edir.
Sfera.az