Sfera.az xəbər verir ki, Çavuşoğlu baş verənlərə görə, İsrail qədər ABŞ-ın da məsuliyyət daşıdığını deyib:

"İsrail qüvvələrini və İsrail hökumətini lənətləyirəm. Burada bir qətliam var. Bunun səbəbi ABŞ-ın bütün dünyaya rəğmən "mən qərar verdim, edərəm” anlayışı ilə atdığı addımlardır. ABŞ qeyri-hüquqi şəkildə Təl-Əvivdəki səfirliyini Qüdsə köçürdü. Beynəlxalq hüququn fundamental prinsiplərini və tarixi reallıqları heçə saydılar. Bu ABŞ-ın etibarına ziyan vurdu.

Avropa Birliyinin bu məsələdə bizimlə eyni cür düşündüyünü bilirik. Fəqət eyni cür düşünmək yetməz, dərhal addım atılmalıdır. ABŞ-ın qərarına qarşı güclü şəkildə müqavimət göstərmək lazımdır. 

Hər kəs sussa da, biz susmarıq. Fələstin mübarizəsinin müdafiəçisi olacağıq. 

Fələstinlilər bomba atmır, raket atmır. Sivil şəkildə addımlayırlar. Burada bir dövlət terroru var. Hazırda 37 şəhidimiz var. Bu rəqəm arta da bilər. Səhvlər davam edərsə, qorxuram region fəlakətə doğru sürüklənsin. Əlamətlər bunu göstərir”.