İsrail fələstinlilərə atəş açdı: 28 ölü, 1000-ə yaxın yaralı var - FOTO/YENİLƏNİB
16:30 / 14.05.2018
3867
Son məlumata görə, hazırda ölü sayı 28-ə yüksəlib. Yarralılar isə 900-dən çoxdur.
***
15:11
Fələstinlilərin ABŞ-ın İsraildəki səfirliyini Qüds (Yerusəlim) şəhərinə köçürməsinə etiraz olaraq keçirdikləri kütləvi aksiyalarda ölənlərin sayı artmağa davam edir.
İsrail əsgərlərinin aksiyaçılara odlu silahdan açdığı atəş nəticəsində ölən fələstinlilərin sayı 16-ya çatıb. Məlumata görə 500-dən çox yaralı var.
***
14:50
Sfera.az xəbər verir ki, etirazlardan əvvəl İsrail ordusu havadan xəbərdarlıq bildirişləri ataraq fələstinlilərə sərhədə yaxınlaşmamaq xəbərdarlığı etmişdi. Fələstinlilər isə Qəzza sərhədində gözləyən israilli snayperləri görmə məsafəsini zəiflətmək üçün rezin şinlər yandırmağa başlayıblar.
Sapand və daşlarla İsrail əsgərlərinə müqavimət göstərən fələstinlilər snayperlərin açdığı atəşə tuş gəliblər. Son məlumata görə, 7 fələstinli öldürülüb. Yaralıların sayı isə 165 nəfərə çatıb.
ABŞ səfirliyinin Qüdsə köçürülməsindən əlavə sabah fələstinlilərin öz yurdlarından çıxarılmasına başlanılmasının ildönümüdür. Fələstinlilər o günü "Nakba” (fəlakət) adlandırırlar.
Sfera.az
