Ermənistanda polis və Milli Təhlükəsizlik Xidmətinə yeni rəhbərlər təyin edildi
Dünya
22:35 / 10.05.2018
2954
Ermənistan prezidenti Armen Sarkisyan baş nazir Nikol Paşinyanın təklifi ilə polis və Milli Təhlükəsizlik Xidmətinə (MTX) yeni rəhbərlər təyin edib.
Prezidentin imzaladığı və onun saytında yerləşdirilən fərmanlarda belə deyilir.
A.Sarkisyanın fərmanlarına əsasən, Ermənistan polisinin rəisi vəzifəsinə Yerevan polisi rəisinin sabiq müavini Valeri Osipyan, MTX direktoru postuna isə xidmətin paytaxt üzrə idarəsinin rəis müavini Artur Vanetsyan təyin edilib.
Nikol Paşinyan Facebook-da yaydığı video müraciətində bildirib ki, MTX-nın yeni rəhbəri əsas diqqətini gömrük sistemindəki nöqsanların aradan qaldırılmasına yönəltməlidir.
Onun sözlərinə görə, güc strukturlarındakı korrupsiya ilə mübarizə çox sürətlə aparılmalıdır. O qeyd edib ki, bu məsələ MTX və polis rəhbərlərinin əsas vəzifələrindən biri olmalıdır.