Bayram Səfərov: "Ermənistan öz başının hayındadır"
Siyasət
11:32 / 08.05.2018
1875
"Ermənistan bu dəqiqə elə vəziyyətdədir ki, heç nəyə təsir edə bilməz".
Sfera.az "APA"ya istinadən bildirir ki, bunu Şuşa Rayon İcra Hakimiyyətinin başçısı Bayram Səfərov Ermənistanın daxilində gedən proseslərin Dağlıq Qarabağ münaqişəsi ilə bağlı danışıqlar prosesinə təsiri ilə bağlı suala cavabında deyib.
B. Səfərov bildirib ki, Ermənistan öz başının hayındadır.
"Ermənistan hələ öz başına bir çarə tapsın, ölkə daxilində sabitlik yaratsın, sonra nəyəsə təsir edər. 26 ildir, erməni xalqının başına müsibətlər gətirilir, ac-yalavac yaşayırlar. Dünyanın inkişaf etdiyi XXI əsrdə daxili şəraitinə diqqət ayırsınlar, sonra Qarabağ haqqında iddialar olsun. Ermənistanın Qarabağla bağlı heç bir iddiası ola bilməz. Bütün dünya ictimaiyyəti bilir ki, Dağlıq Qarabağ Azərbaycanın ərazisidir", - deyə B. Səfərov əlavə edib.
