Sfera.az bildirir ki, bu açıqlama ilə İsrailin sabiq müdafiə naziri Moşe Yalon çıxış edib. O, Rusiyanın Dəməşq və ətraf bazaların hava məkanını qorumaq üçün Rusiyanın Suriyaya verməyə hazırlaşdığı S-300 "Favorit” HHM sistemi haqda xəbəri bu cür şərh edib:

"Əlbəttə bu bizim xoşumuza gəlmir. Siz bilirsiz ki, Suriya HHM-i sovet və Rusiya istehsalı -2, SA-5, SA-17, SA-22 (С-75, С-200, "Buk”, "Pantsir”) kompekslərinə əsaslanır. S-300 daha qüdrətli sistemdir və onun orada peyda olması ürəyimizcə deyil. Lakin biz Suriyanın əlində olan bütün HHM sistemini aşmağa qadirik. S-300-lərin də öhdəsindən gəlməyə hazır olmalıyıq. 

Rusiya hökuməti S-300-lərin tədarükü ilə bağlı bizdən fikrimizi soruşsa, bildirərdik ki, komplekslərin Suriyanın əlinə düşməsini istəmirik”.

Xatırladaq ki, İsrailin hazırki müdafiə naziri Aviqdor Liberman S-300 komplesklərindən İsrail təyyarələrinə qarşı istifadə olunduğu təqdirdə HHM sistemini məhv edəcəkləri ilə bağlı dəfələrlə Moskvaya xəbərdarlıq edib.