Hicama DƏHŞƏTİ: Azərbaycanda Hepatit və QİÇS-in belə geniş yayılmasında əsas səbəb ola bilər
14:50 / 03.05.2018
10056
Bu gün Hicama biznesə çevrilib. Bir seansın qiyməti 40-50 manatlıq olan bu prosedurun evdə, tibb müsəssisəsindən kənarda həyata keçirlməsi isə böyük təhlükə mənbəyidir. Sosial şəbəkələrdə, müxtəlif elan saytlarında da bu cür reklamlarla tez-tez rastlaşırıq.
Bu prosedurun insan səhhəti üçün kifayət qədər təhlükəli olmasına baxmayaraq bu gün işbazların fikrinə aldanaraq antisanitariya şəraitində hicama etdirənlər heç də az deyil.
Respublikanın baş infeksionisti Cəlal İsayev Sfera.az-a açıqlamasında bu haqda danışıb:
"Tarix boyu Azərbaycan təbabətində hicama proseduru mövcud olub. Vaxtaşırı olaraq insanlardan qan alınırdı. Bunun da orqanizmə müsbət təsirləri olub. Lakin sağlam olmayan insanlardan qan alınması düzgün deyil. Sağlam insanlar isə gərək, evlərdə deyil, tibb müəssisələrində qan verərək başqalarına dəstək olsunlar”.
C.İsayevin sözlərinə görə evlərdə hicama prosedurunun reallaşması isə gigiyenik baxımdan da düzgün deyil:
"Yadınıza gəlirsə, öncələr məhərrəmlikdə insanalar başlarını yarırdılar. Lakin artıq bu ənənə unudulur və insanlar tibb müəssisələrinə müraciət edərək qan verməklə həm də başqa xəstə insanlara kömək etmiş olurlar. Evdə qan aldırmaq və ya bu tip proseduralar üçün kimisə evə çağırmaq düz deyil. Bu zaman bir alət dəfələrlə istifadə olunur ki, nəticədə də hepatit, QİÇS kimi xəstəliklər geniş yayılır”.
Nigar Məhərrəm
Sfera.az
