Mingəçevirdə iş adamına elektroşok verib 70 min manatını oğurladılar
Hadisə
12:04 / 03.05.2018
4086
Mingəçevirin "Azdres” qəsəbəsində işə gedən 32 yaşlı Elvin Abdullayev iki nəfərin hücumuna məruz qalıb.
Sfera.az "ARB TV”yə istinadən bildirir ki, hadisə zamanı şirkət işçisi olan E.Abdullayevin üzərində külli miqdarda pul olub. Cinayətkarklar Elvinə elektroşokla təsir göstərdikdən sonra içərisində 70 min manat olan çantanı götürərək hadisə yerindən uzaqlaşıblar.
Zərərçəkənin atasının sözlərinə görə oğlu pulu şirkətə təhvil verməli imiş.
Rafiq Abdullayev (zərərçəkənin atası): "Oğlum deyir ayağımı ikinci mərtəbəyə basanda arxadan elektroşok veriblər. Bu zaman halsız vəziyyətə düşüb və yuvarlanaraq 2-ci mərtəbə ilə 1-ci mərtəbənin arasına düşüb. Oğlum halsız vəziyyətdə sumkanı əlindən buraxan kimi, onlar pulu götürüb qaçıblar. Şirkətə məxsus 70 min manat pul olub. Onun 5 minə qədəri isə düşüb "padyezə””.
Faktla bağlı araşdırma aparılır.
