“Youtube” ulduzu, repçi gənc narkomafiyanın cəlladı imiş
Kriminal
17:33 / 30.04.2018
3948
Meksikalı reperin narkomafiyanın cəlladı olması xəbəri ölkəni qarışdırıb.
Sfera.az xəbər verir ki, bu haqda "New York Post” yazıb.
"Youtube” ulduzu Kristian Omar Palma Qutyerres daha çox "QBA” təxəllüsü ilə tanınırdı. Polisə məlum olub ki, reper Xaliskodan olan 3 gənc tələbənin qətlində iştirak edib. Ola bilsin ki, digər qətllərdə də əli var.
19 apreldə 3 kinomatoqrafçı tələbənin itkin düşməsi haqda xəbər yayılıb. Onlar üzübağlı adamlar tərəfindən naməlum istiqamətdə aparılıb.
Polis izə düşüb və tezliklə Ranço de La Kruzda tələbələrin turşuda (kislota) əridilmiş qalıqların tapıb. DNK testi ilə onların şəxsiyyəti müəyyən edilib.
Tələbələrin meyitini turşuda məhz Qutyerres əridib.
O etiraf edib ki, 3 ildi Xalisko narkokartelinə işləyir. Baron ona həftəlik 3 min peso ( 150 dollar) pul verirmiş.
Tələbələrin meyitini əritməyi ona banditlər deyib.
Əslində onlar boş yerə öldürülübmüş. Banditlər tələbələri rəqib narkokartelin adamlarına oxşadıblar. Öldürəndən sonra aydın olub ki, səhv ediblər.
Xalisko karteli yeni yaransa da qanlı qətlləri ilə ad çıxarıb. Onlar az zamanda başqa qruplaşmaların ərazilərini ələ keçiriblər.
İlqar Atabəyli
Sfera.az
