Trampın səs-küyə səbəb olan "tvit"lərini o yazırmış - FOTO
18:41 / 30.04.2018
4631
Sosial şəbəkədə yaydığı statuslarla hər zaman müzakirə predmetinə çevrilən ABŞ prezidenti Donald Trampın "tvit"lərinin çoxunun özünə aid olmadığı üzə çıxıb.
Sfera.az xarici mediaya istinadən xəbər verir ki, Trampın "tvit"lərini yazan şəxs Den Sçavinodur.
51 milyondan artıq "Twitter” təqibçisi olan Donald Tramp vəzifəyə gəlməzdən öncə sosial şəbəkə hesablarının idarəsini Den Sçavinoya həvalə edib. Tramp prezident olmadan öncə Ağ evdə belə bir vəzifə olmasa da, Den Sçavino hazırda onun sosial media direktoru kimi fəaliyyət göstərir. O, öncələr qolf klubunda məşqçi köməkçisi kimi çalışıb. 1990-cı ildən bəri Tramp ailəsi ilə tanış olan Sçavino @realDonaldTrump hesabını idarə etməklə yanaşı prezidentin digər sosial şəbəkələrdə statuslarını yazmaq və məlumatlarını yaymaqla məşğuldur. 2016-cı ildə Donald Trampın prezident kampaniyasında xüsusi canfəşanlıq göstərən Den Sçavinonun hələ o zaman hazırkı Ağ Ev rəhbərinin "tvit"lərinə müdaxilə etdiyi də söylənilir.
Məlumata görə, o zaman Rusiyanın yaratdığı sosial media platforması olan "Vkontakte” Sçavino ilə əlaqələr quraraq Trumpın seçki kampanyalarını yaymaq üçün onlara reklam təklif edib.
"Washington Post”un xəbərinə görə Sçavino "Vkontakte”nin ABŞ-dakı təmsilçisi Rob Qoldstona göndərdiyi elektron poçtda razılığını bildirib:
"Əlinizdə olanları mənə göndərməkdən çəkinməyin. Donald Trumpa və onun seçki kampaniyasına göstərdiyiniz marağa görə sizə təşəkkür edirəm".
Məhz bu səbəblərə görə, "tvit"ləri qalmaqal yaradan və dəfələrlə məhkəməyə verilən Donald Trampla yanaşı artıq Den Sçavino da qınaq obyektinə çevrilib.
Nigar Məhərrəm
Sfera.az
