“Charlie Hebdo”ya terror hücumunu fransızlar maliyyələşdirib? - SENSASİYA
Dünya
12:00 / 28.04.2018
4048
Fransada qalmaqallı məhkəmə prosesi davam edir.
Sfera.az xarici mətbuata istinadən xəbər verir ki, məhkəmədə açılan həqiqətlər fransız cəmiyyətini şoka salıb.
Söhbət ölkənin sement nəhəngi olan " Lafarge” şirkətinin terror təşkilatlarına maliyyə dəstəyindən gedir. Məsələ ondadır ki, " Lafarge” 2010-cu ildə Suriyanın şimal-şərqində zavod açıb. Ancaq zavodun açılışı o qədər də uğurlu vaxta düşməyib. Az zaman keçmiş burada vətəndaş müharibəsi başlayıb. Ərazilər silahlı qruplaşmaların nəzarətinə keçib. "Lafarge” biznesi ləğv etməyərək silahlılara rüşvət verməklə işini davam etdirib. Əvvəlcə "Ən Nüsrə” cəbhəsini, sonra isə əraziləri ələ keçirən İŞİD qruplaşmasına rüşvət verilib.
Ümumilikdə, terrorçulara 500 min avroyadək pul ayrılıb. Fransızları şoka salan odur ki, maliyyə dəstəyi hətta 2015-ci ildə də olub. Xatırlayırsınızsa, həmin il fransız satirik jurnalı "Charlie Hebdo”ya terror hücumu olmuşdu. Terrorçulara bu hücumlar üçün cəmi 82 min avro lazım olmuşdu.
"Lafarge”nin pul ödədiyi "Ən Nüsrə” cəbhəsi "Əl-Kaida”nın bir qoludur. Hansı ki, Fransadakı terroru da məhz onlar törətmişdilər.
Belə çıxır ki, teror aktını fransızlar özləri maliyyələşdirib.
Əlbəttə, ödənişlər saxta şirkətlər vasitəsilə olub, bəlkə də sübutu çətindir. Ancaq fakt özü fransız cəmiyyətini dərindən düşünməyə vadar edir.
İlqar
Sfera.az
