Əksinqilab hücuma keçir – MOSKVA İŞƏ QARIŞIR

Sfera.az xəbər verir ki, "Lragir”  əksinqilabın hərəkətə keçməsindən yazır.

Hakimiyyətdə olan qüvvələr təcili şəkildə  xarici işlər naziri Edvard Nalbandyanı və Armen Gevorkyanı Moskvaya göndərdilər. Prezident administrasiyasında və Lavrovla görüşlərdə söhbət xüsusi polis qüvvələrindən - KTMT-nin hansısa bölmələrindən gedib.

Eyni zamanda dünən Kremlin saytında belə informasiya getdi ki, aprelin 26-da Rusiya prezidenti Vladimir Putinlə Karen Karapetyan arasında telefon danışığı olub. Danışıq zamanı Ermənistandakı siyasi böhranın həlli yolları müzakirə edilib və bildirilib ki, nizamlanma yalnız mövcud konstitusiya çərçivəsində, 2017-ci ilin aprel ayında keçirilmiş legitim parlament seçkilərinin nəticələrinə əsasən baş verməlidir. Tərəflər həmçinin, mayın 1-nə planlaşdırılan parlament tərəfindən respublikanın baş nazirinin seçilməsinə dair məsələni xüsusi vurğulayıblar.

Karapetyan Paşinyanla görüşdən imtina edib. Öz növbəsində inqilabçı lider Karapetyanın istefaya getməsini tələb edib. Moskvanın müdaxiləsindən ehtiyyatlanan Paşinyan bəyan edib ki, əvvəlki kursa sadiq olacaq:

"Biz Rusiyaya düşmən deyilik. Heç bir geopolitik dəyişiklik olmayacaq”.

Paşinyan KTMT üzvü qalacaqlarını, sadəcə ölkəsi və "Artsax” üçün daha çox qarantiya istədiyini deyib. Bununla belə Moskvanın ona loyal yanaşacağı şübhə doğurur.

 

Paşinyan isə istirahət günləri ilə bağlı, "xalqın istirahəti üçün” mitinqlərə ara veriləcəyini söyləyib. Lakin gələn həftənin əvvəlindən kütləvi aksiyalar yenidən bərpa ediləcək. Müxalifət lideri xalqı mayın 1-də, səhər saat 8:00-da mitinqlərə çağırıb.