Məktəbliləri gözləyən TƏHLÜKƏ - Valideynlər, mütləq OXUYUN!

 

Ağsu şəhər 2 saylı tam orta məktəbin 4-cü sinif şagirdi Nəsibov Əzizağa Vüqar oğlu məktəbin bufetində satılan qablaşdırılmış quru çörəyi alıb yedikdən sonra zəhərlənib. Xəstə təcili olaraq Ağsu rayon Mərkəzi Xəstəxanasının reanimasiya şöbəsinə yerləşdirilib.

Bu ilk belə hadisə deyil. Bundan öncə də məktəblilərin zəhərlənmə faktı qeydə alınıb. Bu isə o deməkdir ki, məktəb bufetlərində satılan məhsullar şagirdlərin həyatı üçün böyük təhlükə mənbəyidir.

"Yoxlama, nəzarət olmayan yerdə nə istəsəniz tapa bilərsiniz."Yoxlama” verilişinin çəkilişləri sayəsində bəlli oldu ki, hətta körpələr evində də murdar heyvan ətləri bişirilir. Dörd il öncə Standartlaşdırma, Metrologiya və Patent üzrə Dövlət Komitəsi məktəb bufetlərinin standartlarını hazırladı. Bununla da bufetlərdə satılan bəzi məhsulların satışına qadağalar qoyuldu.Qadağa olunan məhsullar sırasında cipsilər, energetik içkilər, "Coca – Cola”, "Fanta”, bir sıra kolbasa növlərinin adı var idi”. 

"Bu gün məktəb bufetlərində satılan qidaların təhlükəsizliyinə heç kəs zəmanət vermədiyi üçün zəhərlənmə halları baş verir. Bu vaxtadək bir dəfə də olsa hər hansı bir həkim vətəndaşın kütləvi istehsaldan zəhərlənməsi haqda rəsmi sənəd verməyib. İstehlakçı zəhərlənib dünyasını dəyişdikdə deyilir ki, öz səhvi ucbatından bu hadisə baş verib. Bu gün ölkədə bu sahədə çox ciddi problemlər var. Qida Təhlükəsizliyi Agentliyi tərəfindən bu problemləri həllini tapacağını gözləyirik”