“Sözüm Ermənistan vətəndaşlarınadır - Sizi çoxlu sərgüzəştlər gözləyir” - ŞƏRH
13:56 / 26.04.2018
2672
Ermənistandakı son hadisələr, Serj Sarkisyanın istefaya getməsi, hakimiyyət dəyişikliyi Rusiyanı narahat edir.
Rus mediasında məzələ aktiv müzakirə edilir.
Sfera.az rusiyalı siyasətçilərin və jurnalistlərin Ermənistan hadisələrinə dair ən maraqlı fikirlərini təqdim edir:
Sergey Markov (politoloq): "Sarkisyan istefaya getdi. Amerikapərəst erməni Maydanı qalib gəlir. Amerikalılar yenə cəmiyyətlə aktiv işləyir və qalib gəlir. Eynən Ukraynadakı kimi. Ermənistandakı məğlubiyyətə görə kim cavab verəcək? Ukraynaya görə guya kim məsuliyyət daşıdı?"
Yevgeni Minçenko (siyasi texnoloq): ”Sarkisyan istefa verdi. Rəngli inqilab texnologiyası əla işləyir".
Kiril Frolov (politoloq): "Sarkisyan da Yanukoviç çıxdı. Bu o deməkdir ki, Ermənistan antirusiya qüvvələrinə təslim edildi? Yox, inanıram ki, Respublikaçılar partiyasında layiqli namizəd tapılacaq".
Vasiliy Apasov (jurnalist): "Heç bir tərəfə simpatiyam yoxdur. Sözüm Ermənistan vətəndaşlarınadır - Sizi çoxlu sərgüzəştlər gözləyir”.
Aleksandr Tverskoy (publisist): ”Rusiya vassalı istefaya getdi. Erməni xalqını tarixi qələbəyə görə təbrik edirəm. İndi ən başlıcası Avropa yolunu seçib Rusiya ilə əlaqələri kəsməkdir”.
Nikolay Petrov (blogger):”Bu müharibəyə gedən yoldur. Yaxın 3-4 ildə başlayacaq. Ermənistanı Gümrüdəki bazaya görə silkələyirlər”.
İlqar Atabəyli
Sfera.az
