Sfera.az xarici mətbuata istinadən bildirir ki, "Goldman Sachs" şirkəti bu barədə apardıqları araşdırmaların nəticələrini açıqlayıb. 

Bildirilib ki, təkcə Günəş sistemindəki asteroidlərdə milyardlarla dollar dəyərində təbii sərvət var.

Mütəxəssislərin fikrincə, kosmos mədənçiliyi planetimizdəki iqtisadi mənzərəni tamamilə dəyişəcək.

 

Hazırda NASA-nın kosmos aparatı göndərərək  təbii sərvətlərindən yararlanmaq istədiyi astreodin iqtisadi dəyəri 10 min katrilyon dollardır.

NASA bunu bacara bilsə, dünya iqtisadiyyatı böhran yaşayacaq. Çünki  200 kilometr eni olan həmin asteroid iqtisadi baxımdan bütün dünyadan daha dəyərlidir.  Hazırda dünya iqtisadiyyatının ümumi dəyəri 73.7 trilyon dollardır.

Ancaq iş orasındadır ki, NASA nikel, dəmir və qızılla zəngin olan həmin asteroidddən bu metalları dünyaya necə gətirəcəyini bilmir. 

Ancaq araşdırmalar davam edir. NASA-nın 2026-cı ildə bu hədəfinə çatacağı düşünülür. 

Qeyd edək ki, indiyə kimi asteroidlərdən dünyaya sadəcə bir dəfə, 2010-cu ildə toz hissəcikləri gətirilmişdi. 

Elm adamları transfer prosesini asanlaşdırmaq üçün asteroidləri xüsusi texnologiyanın köməkliyi ilə Dünyaya yaxınlaşdırmağı planlaşdırırlar. Hətta bir neçə asteroidin birləşdirilərək ikinci bir Ay kimi Dünyanın ətrafında qalmasını təmin etmək də planlar arasındadır.