"Bu erməni lobbisinin məqsədyönlü şəkildə atdığı addımdır" - Politoloqdan ŞƏRH
Siyasət
15:37 / 17.04.2018
3592
Xəbər verdiyimiz kimi "İzvestiya” qəzetinin "İz.ru” informasiya portalının redaksiyası tərəfindən 16 aprel 2018-ci il tarixdə həmin portalda yayılmış məlumatda Azərbaycan Respublikasının işğal olunmuş ərazilərində yerləşən qondarma rejimin bayrağı və digər şüarlar nümayiş etdirilib.
Politoloq Elxan Şahinoğlu Sfera.az-a açıqlamasında bu addımın erməni lobbisi tərəfindən məqsədyönlü şəkildə atıldığını vurğulayıb:
"Bu bilərəkdən atılan addımdır. Təəssüflər olsun ki, erməni lobbisinə bağlı olan insanlar Rusiyada da güclüdür. Ermənilər bu gün Rusiyanın media sferasında yer alaraq Azərbaycan və Türkiyə əleyhinə fikirlər səsləndirir, şərhlər verirlər. Rusiya hakimiyyəti Azərbaycan və Türkiyənin strateji tərəfdaşı adlansa da, burada ermənilərin təxribatı davam edir. Gərək ki, vaxtında onlara cavab verək və Dağlıq Qarabağla bağlı məhz həmin media orqanında məlumatlar yayaq".
Nigar Məhərrəm
Sfera.az
