Yumurtanın qiyməti niyə qalxdı?

Son bir neçə həftə ərzində ölkədə yumurtanın qiymətində artım müşahidə edilir. Kənd yumurtasını qoyaq qırağa, orda qiymətə təsir edə biləcək bir neçə amil var.

Sfera.az xəzər xəbər-ə istinadən məlumatına görə, əsas sual broyler yumurtaları ilə bağlı ortaya çıxır. Qiymətdə fərq 2-3, bəzən isə 5 qəpikdən də çoxdur.

Quşçular Cəmiyyətinin sədri Aydın Vəliyev isə deyilənlərlə razılaşmır, xeyli müddətdir broyler yumurtalarının qiymətlərinin stabil olduğunu deyir.

Satıcılar isə əksinə, istehsalçıları günahlandırır.

Aydın Vəliyevin sözlərinə görə, Azərbaycanın özünü yumurta ilə tam təmin edir, hətta hər gün 1 milyon ədəd yumurta ixrac edə bilər. Amma ixrac iddiasında olan ölkədə, yumurtanın qiymətinin niyə qalxdığı anlaşılmazdır...