"Vaxtından əvvəl Milli Məclisə seçkilərin keçirilməsinə zərurət yoxdur" - DEPUTAT
Gündəm
12:19 / 17.04.2018
2771
"Azərbaycanda vaxtından əvvəl Milli Məclisə seçkilərin keçirilməsinə zərurət yoxdur".
Bu sözləri Sfera.az-a açıqlamasında Ana Vətən Partiyasının sədri, Milli Məclisin deputatı Fəzail Ağamalı bildirib.
Fəzail Ağamalı növbədənkənar parlament seçkilərinin keçirilməsi üçün xüsusi ehtiyacın olmadığını söyləyib:
"Bu məsələ ilə bağlı kütləvi informasiya vasitələrində xəbərlər verilir. Mənim qənaətimcə, bu məsələni gözləməyə dəyməz. Çünki Azərbaycanda növbədənkənar parlament seçkilərinin keçirilməsinə xüsusi ehtiyac yoxdur. Ona görə də mən belə bir seçkilərin keçiriləcəyini güman etmirəm".
Xatırladaq ki, Azərbaycanda növbədənkənar parlament seçkilərinin keçiriləcəyi ilə bağlı xəbərlər yayılıb.
Orxan Bəşirov
