Polis Paşinyana xəbərdarlıq etdi: "Küçələri boşaldın!"
Dünya
15:26 / 16.04.2018
2796
Ermənistanın sabiq prezidenti Serj Sarkisyanın Baş nazir təyin olunmasına etiraz edən aksiya iştirakçıları Yerevanın bir neçə mərkəzi küçəsini bağlayıb.
Sfera.az "Armenianreport.com”-a istinadla xəbər verir ki, etiraz hərəkatının lideri, müxalif deputat Nikol Paşinyan tərəfdarlarını vətəndaş itaətsizliyinə səsləyib, körpüləri və metro stansiyalarını bağlamağa çağırıb. O, həmçinin analoji aksiyaların Gümrü şəhərində də keçirildiyini və burada fəalların bir neçə mərkəzi küçəni bağladığını deyib.
Az əvvəl Ermənistan Daxlili İşlər Nazirliyi bəyanat yayaraq bildirib ki, İrəvanın mərkəzindəki təşkilatlardan, səhiyyə ocaqlarından, təhsil müəssisələrindən çoxsaylı şikayətlər daxil olub.Vətəndaşla hərəkətin məhdudlaşmasından şikayətləniblər.
Polis mitinqin təşkilatçılarından küçələrin blokadaya alınmasına son qoymağı tələb edib.
Son məlumata görə, polis əməkdaşları küçələrin etirazçılardan boşaldılması üçün əməliyyata başlayıb.
