Polislərə arvadına xəyanət etmək və “Mcdonalds”a getmək yasaqlanır
12:20 / 12.04.2018
2435
Rusiyanın Krasnodar vilayətində polislər üçün yeni qadağalar müəyyən edilib.
Sfera.az xəbər verir ki, Rusiya Daxli İşlər Nazirliyinin Regional İdarəsinin bu haqda əmrinin surəti "Telegram” sosial şəbəkəsində dərc olunub.
Yeni qaydalara görə, polislərə "Mcdonalds”a getmək yasaqlanır, onlar ictimai yerdə gülə, yaxud qaş-qabaq sallaya blməzlər. Kişilərə üstü xarici yazılı futbolkalar, qadınlara isə mini yubka geymək qadağan olunur. Bunlar hətta məzuniyyətdə olanlara da şamil olunacaq. Həmçinin ailə xəyanəti də polislər üçün qəbuledilməz sayılacaq.
Polislərə nəzarəti xüsusi komendatura həyata keçirəcək.
Əmrin altında general Vladimir Vinevskinin imzası qoyulub və yeni qanunun iyunun 1-dən qüvvəyə minməsi gözlənilir.
Hüquqşünaslar bu qadağaların konstitusiyaya zidd olduğunu deyir.
İlqar
