Deputatlar eks-prezidentə görə adlarını dəyişdilər
Dünya
11:48 / 12.04.2018
2181
Braziliya parlamentində təmsil olunan Əmək Partiyasının üzvləri təəcüb doğuracaq addım atıblar.
Sfera.az xəbər verir ki, bu haqda "Cuba Debate” nəşri yazır.
Deputatlar bu yaxınlıqda azadlıqdan məhrum edilmiş sabiq prezident Luisu İnasiu Lula da Silvaya dəstək olaraq bütün sənədləşmələrdə adlarının qarşısına Lula adını artırmağı tələb ediblər.
Etirazçılara Əmək Partiyasının sədri Qreyzi Hofman da qoşulub.
O "tvitterdə” status yazaraq senatın sədrindən bundan sonra adının Qreyzi Lula Hoffman kimi yazılmasını istəyib.
Xatırladaq ki, eks -prezident 12 il, bir ay müddətinə azadlıqdan məhrum edilib.
Lula da Silva Apelyasiya məhkəməsinədək azadlıqda qalmasını tələb etsə də məhkəmə bunu rədd edib.
Siyasətçinin həbsxanaya aparılması ölkədə kütləvi etirazlara səbəb olub.
