Neft 73 dollara yaxınlaşır
Sfera.az bildirir ki, Qərbi Texas (WTI) növü xam neftin orta hesabla qiymətinin bu il və gələn il 59 dollar səviyyəsində olacağı proqnozlaşdırılır.
Beləliklə, EIA, hər iki neft növ üçün orta hesabla barel qiymətini, mart ayındakı proqnozlarına nisbətən 1 dollar artırıb.
Hesabatda, qiymət proqnozlarının artırılması ilə əlaqədar olaraq, ABŞ və dünya üzrə neft ehtiyatlarının düşməyə davam etdiyi və keçən ay qlobal neft hasilatında baş verən azalmanın qiymətlər üzərində yuxarı istiqamətli təzyiq yaratdığı qeyd olunub.
Venesueladakı iqtisadi və siyasi qeyri-sabitliyin ölkənin xam neft istehsalına mənfi təsir etdiyinə işarə edilən hesabatda, həmçinin ABŞ-ın, İrana yenidən sanksiya tətbiq etməsinin də İranın neft hasilatı və ixracına mənfi təsir göstərəcəyi vurğulanıb.
EIA, ABŞ-ın 2018-də neft hasilatının gündəlik orta hesabla 10,7 milyon barrel səviyyəsində olacağını gözləyir. Gələn ilə dair xam neft istehsal proqnozu isə gündəlik orta hesabla 100 min barel atrırılaraq 11,4 milyon barel olaraq müəyyən edilib.
Qeyd edək ki, bu gen Brent neftinin qiyməti 2,5% qalxraq 72,50 dolları keçib (Bakı vaxtı ilə saat 19:00-a olan məlumat).(marja.az)
