Tramp Rusiyanı hədəf alan daha bir \"tvit\" yazdı: \"Soyuq müharibə dövründə belə...\"

Xəbər verdiyimiz kimi "Rusiya hazır ol, raketlər gəlir”, deyə Twitter hesabında yazan ABŞ prezidenti Donald Tramp bütün dünyada səs-küyə səbəb olub.

Sfera.az xarici mətbuata istinadən xəbər verir ki, prezident təxminən, 40 dəqiqə sonra Rusiyanı hədəf alan daha bir "tvit” paylaşıb.

O, silah yarışına son verilməsinin vacib olduğunu vurğulayıb:

"Rusiya ilə əlaqələrimiz Soyuq Müharibə dövründəkindən belə pisdir. Bunun üçün səbəb yoxdur. Rusiyanın iqtisadiyyatın inkişafı üçün bizim köməyimizə ehtiyacı var. Bu asan bir iş deyil. Bütün millətlər bunun üçün birgə çalışmalıdır. Silah yarışına son verilməlidir”.

Lalə Nəsirova

Sfera.az