Nazirlikdən jurnalistin döyülməsi iddiasına REAKSİYA: "Guya zəng edib bildirmişik ki..."

Qarşı tərəfin mövqeyini öyrənmək üçün Səhiyyə Nazirliyi ilə əlaqə saxladıq. Səhiyyə Nazirliyinin mətbuat xidmətinin əməkdaşı Səfayə Əliyeva tərəfindən məsələyə aydınlıq gətirildi: 

"Orada elə bir hadisə baş verməyib. Tabut mənzildən çıxarılarkən mən də orada idim. Abbas Vəlibəyovun tabutu mənzilindən endirilərkən Famil lap yaxından çəkiliş etməyə başladı. Yaxınları da buna etiraz etdi. Mən də dedim ki, Famil çəkmə. O da telefonunu cibinə qoyub çəkilişi dayandırdı. Sonradan qəbristanlığa gedərək oradan da çəkiliş edib. Bu hərəkət nə dərəcədə etik qaydalara uyğundur? Dəfn zamanı ölü sahibinin qohumları ilə Famil arasında mübahisə yaranıb. Bu qohumlarla jurnalist arasında yaranan məsələdir, nazirlik və rəhbərliyinin bu məsələyə heç bir aidiyyəti yoxdur. Bu hadisədə Səhiyyə Nazirliyinin adı niyə hallanır?”.

Nazirlikdən yayılan xəbərin sildirilməsi ilə bağlı olaraq səslənən fikrə də münasibət bildirilib: 

"Famil deyir ki, guya zəng edib bildirmişik ki, yazdığı materialı silsin. Belə bir şey olmayıb”.